"O blog da SAGA"

QUEN SOMOS

A Sociedade Antropolóxica Galega (SAGA) constitúese como unha asociación cultural sen ánimo de lucro cuxos obxectivos son a investigación e a divulgación da etnografía, da prehistoria e da historia de Galicia, da súa cultura tradicional —tanto material como inmaterial— e de tódolos aspectos enmarcados dentro do campo da antropoloxía social e cultural, así como a promoción de todas aquelas actividades, publicacións, traballos e accións que vaian en beneficio da conservación, divulgación e investigación do noso acervo cultural galego.

Para levar a cabo todo este labor, a sociedade conta coa colaboración dun amplo número de profesionais das distintas áreas que abrangue o proxecto. Ó abeiro da SAGA reúnense antropólogos, etnógrafos, arqueólogos, historiadores, filólogos, artistas plásticos, restauradores de arte, técnicos en audiovisual, músicos e moitos outros colaboradores  comprometidos coa aventura cultural e social que agora emprendemos.

Entre os proxectos que ten en marcha a Sociedade Antropolóxica Galega cabe salientar:

  • ·       A publicación cuadrimestral do seu boletín informativo Caderno de Campo (ISSN: 2254-3406).
  • ·       A publicación de SAGA. Revista dixital de investigación. (ISSN: 2254-5964).
  • ·       A edición do anuario Fol de Veleno. Revista de Antropoloxía e Historia de Galiza. (ISSN: 2253-837)
  • ·       A publicación de monografías de temática antropolóxica, etnográfica ou histórica.
  • ·     A realización de documentais e doutros traballos audiovisuais no eido da   divulgación do patrimonio material e inmaterial da cultura galega. Cítense: Comuneiros. Cen anos de vida e loita polo monte de Salcedo (2011), Sete Camiños, encrucillada do tempo (2011), Metocas (2012),  O palleiro de herba (2013). Actualmente atópase en fase de filmación dos documentais Sementeira doCenteoe Campaneiros. Os valedores dos sinos.
  • ·       A organización de presentacións, xornadas e conferencias sobre os temas obxecto do noso labor. Como exemplo as “Charlas sobre a Pedra Alta de Castrelo do Val”, celebradas en Castrelo do Val en abril de 2012; a conferencia “As pedrafitas en Galiza” impartida en Mos en agosto de 2012 co gallo da festa da Prehistoria; as “Xornadas sobre o Entroido en Galiza”, celebradas en Pontevedra en febreiro de 2013; a conferencia “Galiza-Norte de Portugal: un universo simbólico compartido”, impartida na Universidade de Lisboa en abril de 2013 ou a “I Xornada sobre a música tradicional: a zanfona na música galega” celebrada en Pontevedra en xullo de 2013, entre outras moitas actividades.
  • ·       A posta en marcha de proxectos de investigación antropolóxicas sobre diferentes aspectos do campo das crenzas, da relixiosidade e do mundo simbólico galego.
  • ·       A realización de programas de posta en valor do patrimonio material e inmaterial. Nestes momentos colabora activamente —como parte da súa comisión técnica— na posta en marcha e divulgación do proxecto para a creación do Espazo Natural e Arqueolóxico dos Sete Camiños. Tamén formou parte do proxecto de arqueoloxía social do castro de Mallou e, xunto á Universidade de Vigo, do proxecto Alto Támega, accións na paisaxe patrimonial.

 

Máis información:

Web:http://www.antropoloxiagalega.org

Blog:https://sociedadeantropoloxicagalega.wordpress.com

—————————————————————————————————————————————————-

XUNTA DIRECTIVA

O órgano directivo da Sociedade Antropolóxica Galega está constituído polas seguintes persoas:

Presidente: Rafael Quintía

Secretario: Miguel Losada

Tesoureiro: João Bieites

Vocal: Antonio Vázquez

Vocal: Francisco Sutil

———————————————————————————————————————————————

ÁREAS DE TRABALLO

Área de Antropoloxía

Responsable: Rafael Quintía (Antropólogo e economista)

Área de Arqueoloxía

Responsable: Lukas Santiago (Arqueólogo e realizador de cine)

Área de Historia

Responsable: Miguel Losada (Etnógrafo)

Área de Arte e Restauración

Responsable: Francisco Sutil (Licenciado en Belas Artes e Restaurador de Arte)

Área de Música Tradicional   

Responsable: Antonio Vázquez (Músico tradicional)

Área de Creación Artística:

Responsable: João Bieites (Profesor de Educación plástica e visual, especialista en Audiovisuais e músico tradicional)

—————————————————————————————————————————————–

CONTACTOS

Se quere contactar coa Sociedade Antropolóxica Galega pódeo facer no email:

infosaga@antropoloxiagalega.org

Ou nos correos correspondentes ás  áreas de traballo:

Área de Antropoloxía: Rafael Quintía

rquintia@antropoloxiagalega.org

Área de Historia: Miguel Losada

mlosada@antropoloxiagalega.org

Área de Creación Artística: João Bieites

jbieites@antropoloxiagalega.org

—————————————————————————————————————————–

PÁXINA WEB:

http://www.antropoloxiagalega.org

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s