XA ESTÁ NA RÚA O NOVO NÚMERO DE “FOL DE VELENO. ANUARIO DE ANTROPOLOXÍA E HISTORIA”
Vimos de publica-lo novo número de “Fol de Veleno. Anuario de Antropoloxía e Historia de Galiza”. Dende onte mesmo xa está dispoñible nalgunhas librarías do país, pero se non queredes esperar ou non queredes quedarvos sen o voso exemplar podedes adquirilo tamén a través desta web, do noso facebook ou do noso correo de contacto infosaga@antropoloxiagalega.org.
Intentando mellorar cada ano, o anuario Fol de Veleno 2013 vén cun total de 200 páxinas e 16 artigos de temática variada pero todos eles de grande interese. Malia o incremento de páxina respecto o ano pasado (70 páxinas máis) co conseguinte incremento de custos, en vista da penosa situación económica decidimos mante-lo prezo do ano pasado, isto é 10 €, para facilita-la súa adquisición, na medida do posible, ó maior número de lectores. Por todo elo, tendo en conta as elevadísimas comisións de distribución e de venta, así como o pequeno marxe comercial da publicación este ano vémonos obrigados a escoller un número reducuido de librarías nas que estará dispoñible o noso anuario, primando, asemade, a súa distribución directa a través das nosas canles virtuais de comunicación. Tan só nos queda facer público o noso agradecemnto a tódolos investigadores que colaboraron neste número e desexar que gocedes coa lectura de “Fol de Veleno. Anuario de Antropoloxía e Historia de Galiza”
Aqui vos deixámo-la portada, o sumario e a editorial deste novo anuario que agardamos sexa do voso interese.
¿En que librerías de Santiago puede comprarse la revista? Gracias
Marzo 23, 2013 ás 5:55 pm
En breve estará dispoñible na libraría Couceiro, onde aínda está a venda o número anterior do anuario.
Marzo 23, 2013 ás 6:00 pm
Pingback: NOVO ANUARIO DA SAGA | DEFENDE O MONTE PITUCO (Pornedo)
Estaría estupendo conseguirlo en madrid.
Xuño 21, 2016 ás 9:57 pm